بسم الله الرحمن الرحيم

دى حاجة جديدة كتبتها انبارح حبيت اشاركم بيها .. وان شاء الله تعجبكم :)

رقصــــة سلو







ويجيلى وقت يا حبيبتى
اسرح فيكى بالساعَات
واوقاَت , بـِ كُوباية الشاى المظبوُطـة
افك العقدة المربوُطـة , اياهَا
وامسك النوُتـَه , ويا قلمى ..
طب أبدأ معاها ازاى ومنين !؟
بمسكة ايد ولا حضن دافى ولا الاتنين ؟!
معقول انا وحبيبتى ورقصـة سلو !
تِبصى على الـ DJ يالا أبدأ " Go "
وتتعلَّقى فـِ رقبتى وياَ نغمـة حُب هاديـة
وتعيشى كا أشقى بنوتَة ,
وأقلب اول صفحـة فـِ النوتَـة
فتيجى الغِنوة الى كان نفسك فيها زمان
"هو حبيبى"
وأقرأ فى عيوُنك وهى بتلمع فرحَـة
"هو حبيبى الى اتمنيته يكون ليــا"
تيجى صاحبتك الانتيم وتغطينا بـِ طرحَـة
وعيونك فى عنيا سَارحَـة ..
وأدى كمان صفحَـة !
فاحس انا وانتى فى جنـَّة
و ملايكـة كتير حوطانـا
قلبين طايرين والفرحة ماليانا
سما صافيـة ونور خافت
وناس حوالينـا انبهرت شافت
فـَ اسرح اكتر ويا رموشِك
الملايكة فرحِت بشوفِك
ولا ننّ عيونك السود , دايرة
أجمل بنوتة خلاص فـ ايديا !
ومع اخر شَفطـة شاى اتنهد
واتشََهد , ربنا يجمعنى بيكى
ونعيش فى أجمل قصَـة ,
ودا كله فـِ مجرد رقصَـة !