كلنا بنضحك كلنا او معظمنا الابتسامة مش بتفارق وشه كلنا بنمارس حياتنا بشكل يميل الى الطبيعى بدرجة كبيرة كتير اوى مننا بيخاف على ناس كتير تهمه وبيحس بهمهم لو زعلوا قلبه بيتقطع عليهم ويتمنى انه لو كان مطرحهم وبيعيش معاهم المشكلة وبيبقي جزء من حلها بيرجعله حتى لو ملقاش حل او كان وجوده زى عدمه يكفي ان هو شارك وشال من الاسي جزء من على صاحبه دايما لما تحزن الناس اللى حواليه بنلاقي وشه ظهر عليه معانى الزعل بدون استدعاء بنلاقيه دايما كل اللى حواليه بيصعبوا عليه بمجرد دخولهم في اى محنة وبتمر ع النوعية دى من الناس دايما ظروف وحشة زى باقي البشر بيدخل في ازمات ومحن وبيبص في عيون اللى حواليه فـ العيون اللى ياما خاف على جرحها وزعلها ف العيون اللى مقدرش يستحمل ضعفها بص فيها ملقاش غير جحود وعدم اهتمام بص فيها لقي قسوة وندالة على مين تصعب الناس دى ؟!! لما اللى حواليه مش حاسين بيه طب وهو لما يحب ينطق مع مين هيتكلم ؟! مع الناس الى عرفها ومش حاسة بيه اصلاً؟ واللا مع الناس اللى متعرفوش!! طب اللى حواليه دول مفكروش قبل كده بإنه جواه وجواه وجواه كتير وكتير شايل وساكت شايل ومستنى اللى يشيل معاه شايل ومحتار ف اللى جواه شايل ومن همه التقيل مبقاش عارف اللى فيه هم واللا عبارة عن توهة دخل جواها علشان تعرفهبإنه استحمل وملقاش اللى يستحمله ؟ طب واللى حواليه مظنوش بإن الشخص ده جواه كتير من الهم مظنوش ان ورا ابتسامته دمعة مبتقرهاش عنيه وبتفضل في قلبه معرفوش ان ما بين ضحكته والتانية الف دمعة ودمعة !!!